Семінар для валанцёраў прайшоў ў цэнтры «Карытас» Мінска–Магілёўскай архідыяцэзіі

Семінар праходзіў для дзвюх груп валанцёраў, якія былі запрошаны з розных парафіяльных філіялаў «Карытас» з усёй Беларусі. 

Дакладчыкамі на семінары былі прадстаўнікі «Мальтыйскай службы дапамогі».

Мэтай семінара было навучанне асновам валанцёрства на вопыце працы Мальтыйскай службы дапамогі з Германіі. У ходзе семінара былі закрануты такія тэмы, як:

1.Паняцце «валанцёр». Сацыяльныя асновы валанцёрскай дзейнасці. Цяжар або асалода. Пошук валанцёраў, супрацоўніцтва са штатнымі работнікамі, праблемы і іх вырашэнне.

2.Праца з пажылымі, адзінокімі і ляжачымі людзьмі дома пры дапамозе сваякоў і суседзяў.

3.Аказанне першай дапамогі ў паўсядзённым жыцці і ў экстраных сітуацыях.

4.Задачы і магчымасці для валанцёраў у працы з дзецьмі і падлеткамі.

На семінары вялікі акцэнт быў зроблены менавіта на практычную частку. Валанцёры вучыліся аказваць першую медыцынскую дапамогу, дапамагаць ляжачым хворым, а таксама практыкаваліся ў розных формах творчых заняткаў з дзецьмі. 

Водгукі ўдзельнікаў семінару:

Вушак Вольга: "Семінар вельмі спадабаўся атмасферай. Таксама хачу адзначыць важнасць практычных заняткаў."

Вожуй Лілія: "Усе было даступна для разумення. Выдатныя дакладчыкі і выдатная арганізацыя ўсяго семінара."

Марыя Арцем'ева: "Спадабалася атмасфера семінара. Усе ўдзельнікі і дакладчыкі былі адкрыты для зносін і абмену вопытам. Было шмат практыкі і патрэбнай інфармацыі."

Таццяна Бекішава: "Арганізаваны семінар на высокім узроўні. Навучанне прайшло даступна і весела. Нямецкія дакладчыкі паказалі свой высокі прафесіяналізм. Атрыманая на семінары інфармацыя спатрэбіцца мне ў валанцёрскай працы."

 

 

 

Дакладчыкамі на семінары былі прадстаўнікі «Мальтыйскай службы дапамогі».

Відэа: