Адбыліся сустрэчы валанцёраў парафіяльных Caritas Мінска-Магілёўскай архідыяцэзіі
![](/upload/medialibrary/108/03it2jh8p1g5op7xfh8mpqpmnjj0pwca/DSC08123.jpg)
9 і 10 снежня адбыліся сустрэчы валанцёраў парафіяльных Caritas Мінска-Магілёўскай архідыяцэзіі.
Было прыемна бачыць даўно знаёмых валанцёраў, якія актыўна вядуць дабрачынную дзейнасць у Заслаўі, Маладзечне, Нясвіжу, Стоўбцах. Сярод нас аказалася і шмат новых дабраахвотникаў з парафій г. Мінска і не толькі.
У першы дзень у Дзіцячым цэнтры св. Лукі трэнінг праводзіла с. Валерыя Пацукевіч MSF - адказная за дабрачынную дзейнасць у Кангрэгацыі Сясцёр Місіянерак Святой Сям'і. Карысна, утульна, з любоўю.
![DSC08123.jpg DSC08123.jpg](/upload/medialibrary/108/03it2jh8p1g5op7xfh8mpqpmnjj0pwca/DSC08123.jpg)
![DSC08124.jpg DSC08124.jpg](/upload/medialibrary/38a/9qp1458mmo88vz3xrw8gcohkxyqefv90/DSC08124.jpg)
![DSC08140.jpg DSC08140.jpg](/upload/medialibrary/4cf/05x5wbitbcjmrlr24jqzfot5amyxq3dp/DSC08140.jpg)
Другі дзень распачаўся святой Імшой у архікатэдры, якую ўзначаліў Мітрапаліт Мінска-Магілёўскі арцыбіскуп Юзаф Станеўскі.
Сустрэча прадоўжылася ў дольным касцёле, дзе намеснік дырэктара "Карытас" ММА Вольга Лабуць падзялілася вынікамі дзейнасці арганізацыі за 2023 год, а таксама падрыхтавала прэзентацыю пра сутнасць працы парафіяльнага Карытас.
У кожнага ўдзельніка была выдатная магчымасць зрабіць маленькую добрую справу - падпісаць віншавальныя паштоўкі для людзей, якія знаходзяцца ў аддзяленні сястрынскага догляду Крупскай бальніцы і адзяленні кругласутачнага знаходжання грамадзян пажылога ўзросту і інвалідаў Бярэзінскага ТЦСАН.
![DSC08303.jpg DSC08303.jpg](/upload/medialibrary/4ea/muop3pf821dwsn3e3vshef6f40i7bw6z/DSC08303.jpg)
![DSC08353.jpg DSC08353.jpg](/upload/medialibrary/ced/kfyogua4wbvk3vffu7pdwh2flpasoduj/DSC08353.jpg)
![DSC08581.jpg DSC08581.jpg](/upload/medialibrary/e95/smj2f1qrdxunu5wrws1akcjdt6xhmip1/DSC08581.jpg)
Валанцёры з Заслаўя, Маладзечна, Нясвіжу і Стоўбцаў прадставілі дабрачынную дзейнасць сваіх парафіяльных цэнтраў Карытас за ўвесь час з пачатку іх заснавання.
Сёння мы кажам "дзякуй" усім, хто адгукнуўся на запрашэнне і быў побач з намі ў гэтыя дні.
Спадзяемся, што кожны з вас добра правёў час і зарадзіўся новымі сіламі аж да наступнай сустрэчы.
![DSC08834.jpg DSC08834.jpg](/upload/medialibrary/e31/txqvzmxm14jl1ddy4d6tdv0gbiaz22jl/DSC08834.jpg)