Простыя рэчы, якія цяжка выканаць…

Простыя рэчы, якія цяжка выканаць…

Пачынаючы з 2018 года, у сітуацыях, калі патрэбна дапамога цяжкахворым і іх сям’ям за рамкамі той, якую звычайна прапаноўваюць і могуць забяспечыць дзяржаўныя паслугі, на падмогу пачала прыходзіць "Табіта".

З тыx самых пор нашыя падапечныя атрымліваюць прафесійную і міласэрную дапамогу, знаходзячыся ў родных сценах.

Памыць хворага чалавека – дастаткова складаная задача, якая патрабуе нямала намаганняў.
Нажаль, часам яна ператвараецца ў выпрабаванне.
Супрацоўнікі Табіты ведаюць, як палегчыць працэс мыцця і забяспечыць неабходныя кожнаму чалавеку камфорт і чысціню.

Напрыклад, што да мыцця галавы.
Сучасныя сродкі догляду дазваляюць мыць чалавека часам нават не падымаючы яго з ложка.
Для зручнасці мыцця галавы можна набыць спецыяльныя ванначкі, аднак можна абысціся і без іх.

Нашыя падапечныя дзеляцца: “Гэтыя простыя рэчы вяртаюць самапавагу…Чыстыя валасы дапамагаюць зноў адчуць сябе чалавекам, дазваляюць не саромецца сябе, не пазбягаць зносін з тымі, хто побач з табой у цяжкія хвіліны…”