Свята вясны ў Дзіцячым цэнтры св. Лукі

Кветкі вельмі шмат значаць. З іх дапамогай прызнаюцца ў каханні, падтрымліваюць і цешаць адзін аднаго. Кветкі дораць надзею, бо менавіта яны ўвасабляюць жыццё, якое працягваецца - нягледзячы ні на што. А 8 сакавіка - яшчэ адна выдатная нагода падарыць радасць і надзею нашым падапечным. Нашыя жанчыны, чые дзеці праходзяць рэабілітацыю ад анкалогіі ў Дзіцячым сацыяльна-рэабілітацыйным цэнтры св. Лукі - сапраўдныя героі. Яны натхняюць нас сваёй сілай духу і стойкасцю. І мы верым, што кожная ўсмешка, кожнае імгненне радасці дапамагае ім станавіцца мацней і набліжае іх дзяцей да выздараўлення.

Мы стараемся рабіць усё магчымае, каб знаходжанне ў нас было камфортным і напоўнена пазітывам, і мы імкнемся стварыць атмасферу цяпла і ўтульнасці, каб кожны адчуваў сябе абароненым і каханым.
Няхай усе нашы дзеці папраўляюцца, а іх маці ведаюць, што побач заўсёды знойдуцца тыя, хто гатовы падтрымаць і дапамагчы ў любой сітуацыі.